بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
پێنوسه‌كان ده‌رباره‌ی پێغەمبەر (صلی الله علیه وسلم)
 باس و تێڕوانینی چەند ڕۆژهەڵاتناسێكی بیانی سەبارەت بە سەروەرمان
06/02/2020
بینین: 448
لویس سیدیۆ ڕۆژهەڵاتناسێکی فەرەنسیە مۆڵەتی مافناسی هەیە ، لە کتێبەکەی تآریخ العرب العام دا دەلێت ئیتر کاتی ئەوە هاتووە سەرنجی مێژوی ئەم گەلە بدەین ، کە لە گۆشەیەکی ئاسایدا ون بوو بۆ بەرزترین پایە بەرز بوەوە ناوی لەگەڵ ئاسۆکانی دنیادا بەرزبۆوە ...سەرچاوەی ئەو موعجیزەیەش تەنیا پیاوێک بوو ئەویش محمد بوو لا ١٥ 

هەروەها لە بارەی وەسفکردنی پێغەمبەر ﷺ دەڵێت: هێمن و ئارام گر بوو هەژار و نەدارانی دەهێنایە ماڵەوە  تا خواردنەکەیان لەگەڵدا بەش بکات ، بەهێنبی ڕوو خۆشیەوە پێشوازی لەهەموو ئەو کەسانە دەکرد ، کە دەیانویست پرسیاری لێبکەن ، هەموو ئەو کەسانەی کە قسەیان لەگەڵدەکرد ،بەهۆی ڕوە نورانی و خەندە جوانەکەی توشی سەرسامی دەبوو ، هەرگیز لە گفتوو گۆی دورو درێژ بێزار نەدەبوو ، کەم قسەی دەکرد، قسەکانی هەرگیز خۆبەزل زانینیان پێوە 
دیار نەبوو لا١٠٢ 
هێنری ماسێ ڕۆژهەڵتناسێکی فەرەنسییە ، ڕێکخراوی یونسکۆ بۆ لیژنەی خۆرهەڵات ناسان هەلیبژارد ، لە کتیبی ئیسلامدا دەلێت :بەهۆی چاکسازیە ئاینی و سیاسیەکانی محمد ،کە لە بنچینەدا بۆ یەک خستنەوە بوو عەرەبەکان هۆشیان هاتەوە بەر و خۆیان دۆزیەوە لە تاریکی و نەفامی و گێرە شێوێنی ڕزگاریان بوو لا ٥٥ .
پاشان دەڵێ محمد یاسا دانەری سروش بۆ هاتبوو ، دامەزرێنەری یەکێتی نێوان ئاینەکانی گەلان بوو ، سادە بوو بەڵام لە هەمان کاتدا ورد بین  و دوربین بوو لا ٥٩ 
ولیام مۆتگۆمگری وات ڕۆژهەڵاتناسێکی هاوچەرخی بەریتانییە  ڕاگری بەشی توێژینەوەی عەرەبیە لە زانکۆی ئەدنبرا  لە کتێبەکەی {محمد فی مەکە } دەڵێت : ئامادە باشی ئەو پیاوە لەوادا بوو کە لە پێناو بیرو باوەڕەکەی بەرگەی هەموو چەوساندنەوەیەکی دەگرت  سروشتی ڕەوشت بەرزی وای لە شوێن کەوتوان کرد باوەڕی پێبێنن و بیکەنە پێشەوا و سەرکردەی خۆیان ، سەرەڕای دەستکەوتە ڕەها و مەزنەکانی  ، هەموو ئەوانە بەڵگەن  بۆ دادگەری و پاکی و ڕەسەن لە کەسایەتیەکەیدا. لا ٩٤
محمد لە دیدی زانایاندا 
نوسینی: یامن الحاجە 
وەرگێڕانی :مزەفەر عەولا قەسرێ 
لاپەڕە :٫۱۹٫۱۸

زیاتر

Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه