بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
وتەی ناوداران لەسەر پێغەمبەر (صلی الله علیه وسلم)
 وتەکان دەربارەی پێغەمبەری خوا صلى الله عليه وسلم
23/01/2020
بینین: 553
( گۆستاڤ لۆبۆن ) پزیشک و مێژوو نوسی فەرەنسی ، لە کتێبی ( حضارە العرب ) دا دەڵێت : { ئەگەر پیاوان بە کارە گەورەکانیان بپێورێن ئەوا [محمد] گەورەترین پیاوە کە مێژو بە خۆیەوە بینی بێت } لا ١١٥ 
  هەروەها دەڵێ {:محمد توانی ببێتە پێشەوایەکی بەرزی  گەلانی عەرەبی ، کە لە پێشدا کەسانی وایان تێدا هەڵنەکەوتبوو ، ئا لەم داهێنانەدا گەورەی محەمد بەدیار دەکەوێ} لا ١١٦ 
پاشان لۆبۆن دەڵێ : ( ئاینەکەی محمد لە هەموو ئاینێکی دی کاریگەری لەسەر دەرونەکان زیاترە ، ئەو گەلە  جیاوازانەی قورئانیان کردۆتە دەستور پێشەوا تا ئێستاش کار بە حوکمەکانی دەکەن ، وەک چۆن بەر لە سێزدە سەدە کاریان پێدەکرد ) لا ٤١٧
هەروەها لە کتێبی ( دین الاسلام) دا دەڵێت : {محمد بەر لە وەفاتی عەرەبی کۆکردۆتەوە و کردنی بە یەک گەل و ملکەچی یەک ئاین و گوێڕایەڵی یەک پێشەوا ، بێگومان  ئەمەش بەڵگەیەکی ڕونە بۆ گەورەی ئەو } لا ١٦
{ ویل دیورانت }  فەیلەسوف و مێژوو نوس نوسەری ئەمریکی ، لە کتێبی ( قصە الحضارە ) دا دەڵیت :{ محمد لە گەورەترین کەڵە پیاوانی مێژوو بو، توانی توانی ئاستی ڕۆحی و ڕەوشتی گەڵێک بەرز بکاتەوە ، کە کەش و هەوای گەرم  وشکی بیابان خستبویە تاریکای  نەفامی و دڕندەیەوە ...} ١٣/ ٤٧
پاشان دەڵێ :{ لە وەدیهێنانی ئەو ئاماجەشیدا سەرکەوتو بوو ، بە جۆرێک کە لە مێژودا هیچ چاکسازیەک نەیتوانی پێشی بکەوێتەوە ، کەم وایە مرۆڤێک ببینین  ئەوەی خەوی پێوە دیبێ  هێنابێتیە دی } ١٣/٤٧
هەروەها لە کتێبەکەیدا (( قصە الحضارە) دا هاتووە ، کە { جۆرج برنارد شۆ } – کە نوسەرێکی شانۆ گەری ئیرلەندیە و لە ساڵی ١٩٢٥ ی زاینی خەڵاتی نۆبڵی لە{ وێژە ئەدەب}دا وەرگرتووە ،گوتویەتی :{ ئەگەر بەوە بڕیار لەسەر گەورە پیاو بدەین کە چەندە کاریگەری لەسەر خەڵک هەیە ،ئەوا دەڵێین : محەمەدی پێغەمبەری موسوڵمانان گەورەترین گەورە پیاوی مێژووە ،چونکە دەمارگیری و خورافیاتی لە ڕەگ و ڕیشەوە  هەڵکێشاو لە سەرووی ئاینی جولەکە و گاور و ئاینی کۆنی گەلەکەی ،ئاینێکی بەهێز و ڕونی دامەزراند ..١٣/٤٧
مارسێل بۆزال بیرمەند و یاسا ناسی فەڕەنسی ، لە کتێبی { انسانیە الاسلام } دا دەڵێت : { لە ڕوێ مێژویەوە محەمەد تەنیا بانگەوازی ئاینیێک نەبوو ، بەڵکوو لە هەمان کاتدا دامەزرێنەری سیاسەتێک بوو کە ئاراستەی مێژووی گۆڕی و کاری کردە سەر چالاک بوون فراوان بوونی بازنەی ئیسلام } لا ٤٢ .
لە بارەی باسکردنی مێژووبۆ پێغەمبەر خوا ﷺ دا دەڵێت : { مێژوو محەمەد وەک سەرکردیەکی مەزن دردەخات کە دڵی پڕ لە بەزەی بێت ، هەروەها وەکو پیاوی دەوڵەتی بەرز و بەهێز وێنای دەکات ، وەک خاوەن سیاسەتێکی دروست دەیخاتە ڕوو ، کەلەگەڵ هەموواندا بە دادگەرانە مامەڵە دەکات و مافی هەموو خاوەن مافەکان وەک یەک دەدات } . لا ٤٦ 
  پاشان دەڵێت : { ..محمد ،ئەو پیاوەی زانی چۆن ڕەزامەندی زۆرترین خەڵک بەدەست بێنێت ، پێویستە مرۆڤێک بێت لە سەرووی ئاستی مرۆڤایەتی ، هەروەها ئەوە وا دەخوازێت یەکێک بێت لە پێغەمبەرە ڕاستەقینەکانی خوا } لا ٤٦ .


سەرچاوە محمد ﷺ لە دیدی بیانیەکاندا
نوسینی : یامن الحجە 
وەرگێڕانی : مزەفەر عەولا قەسرێی  لاپەڕە ١٤ – ١٥

زیاتر

12
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه