 دی کاستری چەند لایەنێکی گەورەی لە کەسایەتی پێغەمبەر صلی اللە علی وسلم دەخاتە ڕوو دەڵیت
لۆریا ڤیشیا توێژەرێکی ئافرەتی ئیتاڵییە ، لە کتێبی دفاع عن ئیسلامدا دەڵێت : زۆر لە دوژمنی ئیسلام کە رق و کینە کوێری کردبون هەوڵیان دا هەندێک تۆمەتی درۆینە و هەلبەستراو بدەنە پاڵ محمد ئەوەیان بیر چوبو کە محمد بەر لەوەی پەیامی ئاسمانی بۆ بێت بەهۆی دەستپاکی و داوێن پاکییەوە لەلای هاونیشتیمانیانی جێگەی ڕێز بووە و بە گەورەی سێیر کراوە لا ٣٧
پاشان هەندێ پرسیار دەوروژێنێت کەوا پێویست دەکات لەسەر ئەو ئەقڵەی پێی وایە محمد لەلای خوداوە نەهاتووە بە خۆیدا بچێتەوە ، دەڵیت ئەوەی لەلام سەیرە ئەوەیە کە ئەوانە ئەو ئەرکەش ناکێشن کە لە خۆیانەوە بپرسن : ئەگەر محمد پێشتر پیاوێکی درۆزن بوبێت چۆن ئەو ئازایەتیەی بەخۆی داوە ، کە بەڵێنی ئاگری تا هەتای بداتە ئەو کەسانەی کە پەیامەکەی بە درۆ دەزانن یان تەنیا بە ڕوبینی باوەڕ دەهێنن ، ئایا ئەو بەو سروشتە سادەیەوە سەرەڕای بێڕێزی کردنی هاونیشتیمانانی چۆن توانای مأدەی خۆشگوزارەان { بەهەشت } بداتە یار و یاوەرانی ، ئەگەر هێزێک نەبیت لە پشت ئەو بەڵێنانەیەوە ، چۆن توانی ململانێکی- شێوە بێهیوا - دروست بکات ؟..
ئەگەر باوەڕێکی پتەوی بە پەیامەکەی نەبوبێت چۆن توانی لەمەکەدا بۆ ماوەی دەساڵ لەو ململانێیە تەواو بوبێت ، لە کاتێکدا کە سەرکەوتنێکی کەمی بە خۆیەوە دیبوو ، سەرەڕای دەرد و مەینەتی بێشومار !
چۆن ئەو ژمارە زۆرەی موسوڵمان لە پیاوانی خانە دان و ژیر و بیرمەند باوەڕی پێبهێنن و پشگیری بکەن و خۆیان بکەنە تاکی کۆمەڵگەیەک کە زۆرینەی کۆیلە و بەندەی ئازاد کراو و هەژارو نەدار بون ئەگەر لە وشەکانیدا ڕاستگۆییان بەدی نەکردبێت ؟..
پێویست بەوا ناکات چیتر درێژە بەو قسانە بدەین خەریکە ڕۆژئاواییەکان کۆدەنگێک لەسەر ئەوەدەکەن کە راستی محەمەد و پەیامەکەی بێگومانە لا ٣٧-.٣٨
تۆماس کارلیل نوسەر و مێژوو نوس و فەیلەسوفی ئینگلیزی ،لە کتێبی الابطاک و عبادە الابطال دە دەڵێت : محمد هەرگیز هیچوانەیەکی لەلای هیچ مامۆستایەک نەخوێندووە ، ، هەروەها ئەوسا نوسین لە نێو گەلی عەرەبدا تازە داهاتبوو ئەوەی لای من ڕۆشنە ئەوەیە کە محمد خوێندندەوە و نوسینی نەزانییوە و جگە لە ژیان و بارو دۆخی بیابان هیچی دی فێر نەبووە ، هەرچییەکیش کە توانیویەتی بزانێت لە ڕێی دیدگاییەوە و لە ڕێی دەرونییەوە لەم گەردونە شت وەربگرێ و تێ بفکرێ بەڵێ ئەو هیچ لە جیهانی پان و بەرین و زانستەکانی نەزانییوە تەنیا ئەوەی بەدل و دەرونی بینیویەتی ، یان لە تاریکی و بیابانی عەرەبەوە بە گویدا چرپاندبێت لا ٥
پاشان دەڵێت : ئەو درۆ و دەلەسانەی بەهۆی خوێن گەرمییوە و بەنیاز پاکییەوە دەربارەی ئەو پیاوە دەڵێین : تەنیا بە خراپە بەسەر خۆماندا دەشکێتەوە
ــــــــــــــــــــــــــــــــــــــــــــــــــــــــــــــــــــــــــ
سەرچاوە : محمد لە دیدی بیانیەکاندا
ن : یامن الحاجە
و : مزفر عەولا قەسرێ
لا:۳٤-۳٥
|