بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
وتەی ناوداران لەسەر پێغەمبەر (صلی الله علیه وسلم)
 لە وەسفی سەروەرمان محمد (صلی الله علیه وسلم)
27/02/2020
بینین: 271
نەسری سەلهەب مەسیحیەکی لوبنانیە کە بە دیدی بابەتیانەی و گەڕان بەدوای ڕاستیەکاندا ناسراوە لە کتێبەکەیدا فی خطا محمد دەڵیت : مەلۆتکەیەک چاوی بە دنیا هەڵهێنا ، کە لەکاتی لەدایک بونیدا هەرگیز لەبیری دایکیدا نەدەهات ، کەدەبێتە گەورەترین پیاویجیهان بەڵکو گەورەترینی مێژوو ، نا گەورەترین پیاو بە هەموو پێوەرەکان لا ٤٢

هەروەها ئاماژە بۆ دەسکەوتەکانی پێغەمبەرمان دەکات و دەڵێت : هەرکەسێک بە وردی سەرنجی ژیاننامەی ئەو پیاوە بدات ، لەوەدا خۆی دەبینێتەوە ، کە ددان بەوەدا بنێت ، کە ئەو دەسکەوتانەی وەدەستی هێناون ، لە دنیایەکی تری جیاواز لەو دنیایە بووە ، کە مرۆڤ دەیناسیت لا ١٩٥

پاشان دەربارەی ئەو موعجیزئیەی محمد خولقاندی بەوەی بە ماوەیەکی کەم عربی لە پەراوێزی مێژوو بۆ بونیاد نەرانی مێژوو بەرز کردەوە ، دەڵێت : گەورەی محمد لێرەدایە ، بەو ماوە کەمە توانی شەریعەتێکی پڕ ڕەوشتی گیانی و کۆمەڵایەتی ، کە لە مێژوودا هیچکەس نەیتوانیووە بەو خێراییە سەرسوڕهێنەرە ئەو کارە گەورەیە بە ئەنجام بگەیەنێت لا ١٩٦ .

پاشان دەڵیت : محمد تەنیا پێغەمبەر نەبووە کە خەلک بەرەو باوەڕ ڕێنمونی بکات ، بەلکو پێشەوا و سەرکردەی گەلێک بو و هوڵی دا لەو گەلە باشترین و بەرزترین گەلی دنیا دروست بکات و لە کۆتایشدا توانی ئەوە وەدی بێنێت لا ٤٠٩
تۆماس کارلیل نوسەر و مێژوو نووس و فەیلەسوفتۆماس کارلیل نوسەر و مێژوو نووس و فەیلەسوفکی ئینگلیزیە لە کتێبێک الابطال و العبادە و الابطال دا دەڵێت بە درێزای ژیانی خاوەن باوەڕێکی جێگیر بوو ، هیمەتێکی بەرزی هەبوو خەمخۆر بوو ، بەخشندە و چاکەکار بوو بەبەزەی و خودا پەرست بوو ، خاوەن پیاوەتی ئازاد بوو کۆڵنەدەر و دڵسۆز بوو بەڵام لەگەڵ ئەوەشدا مەجلیس خۆشبوو خو ڕەوشتێکی نەرم و نیانی هەبوو ، ڕوو خۆش و شادومان بوو، خۆش ڕەفتار و گوفتار شیرین بوو دەتوانین بڵێین گاڵتەشی دەکرد ، بە گشتی خەندەیەکی درەوشاوە لە ڕووویدا بەدی دەکرا کەلە دڵ و دەرونێکی ڕاستگۆوە سەرچاوەی گرتبوو .. بیر تیژ و وشیار بووە ..هەر لە فیتڕەتدا گەورە پیاو بوو ، لە قوتابخانەدا ڕۆشنبیری وەرنەگرتبو لەسەر دەستی هیچ مامۆستایەک وانەی پێ نەدابوو ، ئەو هیچ پێویستی بەوە نەبوو .. لا ٥٠-٥١
هەروەها دەربارەی خۆشەویستی بۆ پێغەمبەری خوا دەڵێت : من محمدم خۆشدەوێت ، چونکە سروشتی ئەو دوور بو لە خۆ دەرخستن و خۆ نواندن .. تەنیا پشتی بە خۆی دەبەست هەرگیز بانگەشەی شتێکی نەدەکرد لە خۆیدا نەبێت ، لوت بەرز نەبوو ، بەڵام لەبەرامبەریشدا نزم و کەساس نەبوو .. ئازادانە لەگەڵ قەیسەری ڕۆم و شای عەجەمدا دەدوا ، پێی ڕاگەیاندن کە لەسەریان پێویستە چی بکەن لە ژیانی دونیا و دواڕۆژیان بەڕاستی ئەو پێگەی خۆی دەزانی .
لا ٦٤
د.نەزمی لۆقا مەسەیحیەکی میسڕییە کە بەدیدی بابەتیانە و دڵسۆزی بۆ ڕاستی بەناو بانگە لە کتێبی محمد الرسالە و الرسول دا دەڵێت محمدا وەک هیچتاکێکی خەڵک نەبوو لە ڕوی ڕەوشت و لێ هاتویدا خەسڵەتی پێغەمبەران و هیمەتی پاڵەوانانی تێدا کۆبونەتەوە ، بۆیە لەسەر مرۆڤی حەق دۆست پێویستە دان بە پێشەوای ئەودا بنێت و بەگەورە پیاوی ببینێت لاپەڕە ٢٨
پاشان دەربارەی گەورەی و خۆ بەکەم گری و ڕەوشتی بەرزی دەڵێت ؛{ تاکە پیاو بوو ،زوبانی ئاسمان بوو ،تانیە خوای لەسەروو بوو ، گشت بەندە باوەڕدارەکانی موسوڵمانانیشی لەژێر دەستا بوون بەڵام ئەو پیاوە ڕەتی کردەوە توشی خۆ بە زل زانین ببێت ،بەڵکوو لەبەرامبەردا بەبەزەی و بەخشندە بوو..} لا ١٧٢
پاشان دەڵێت :{ خۆ ئەگەر ئەو پێغەمبەرە بە هۆی زۆری ئەوانەی خودا لەسەر دەستی هیدایەتی دان و بەهۆی وە دیهاتنی ئەو گەورەی و دەسەڵاتە و ، جێگیر بوونی دەسەڵات ،ئەگەر بە هەموو ئەوانە ستەمی کردبا یان فیزی لێدابا ئەوا هیچ تاوانێکی لەسەر نەبوو چونکە ئەو کات بەهۆی بەهایەکەوە ستەمی دەکرد و بەهۆی ڕەوشتێکی بەرز و بەرز و بەڕێزیش لافی لێدەدا } لا ١٧٩
لەسەر باسی خۆ بەکەم گری پێغەمبەری خوا بەردوام دەبێت و دەڵێت :{ هاوەڵانی پێیاندا هەڵدگوت کەچی پێی دەفەرمون : ئەوەندە بەسەرمدا هەڵمەڵێن و بەو ئەندازەیە گەورەم مەکەن هەروەک چۆن گاورەکان عیسای کوڕی مریەمیان گەورە کرد ، بەڵکو بڵێن بەندەی خوا و پێغەمبەری خوا ، یان ئەو کاتەی دەچێتە نێو کۆمەڵێک لەهاوەڵانی و ئەوانیش لەبەری هەڵدەستن ، ئەویش لۆمەیان دەکات لەسەر ئەو کارە و پێیان دەفەرموێت { وەکوو عەجەمەکان مەکەن و یەکتری بەبەرز ڕامەگرن و لەبەر یەکتر هەڵمەستن }}هەروەها لۆقا لە کتێبی محمد فی حیات الخاصە دەڵێت : باوکی قاسم واتە محمد ئەو پیاوەی کەبەملیۆنان خەڵکی لە بت پەرستی دەرهێنان و بەرەو پەرستنی خوای جیهانیانی بردن و هەروەها لەدەست چون لاوازی بەرەو بەرزی و باڵادەستی بردن. لا ١٢

ــــــــــــــــــــــــــــــــــــــــــــــــــــــــــــــــــ
سەرچاوە :محمد لە دیدی زانایاندا نوسینی یامن الحاجە .وەرگێرانی مزەفەر عەولا قەسرێی لاپەڕە ٢٢، ٢٣ ،٢٤

زیاتر

12
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه