بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
روونکردنەوەی گومانەکان
 گومانی ئەوە کە پێغەمبەر ﷺگوناهبارە هەروەک لە قورئانی پیرۆزدا هاتووە
11/04/2020
بینین: 474

گومان : دەڵێن ئەو ﷺ گوناهبارە بەلگەشیان بۆ ئەو قسەیەیان ئایەتەکەی سورەتی فتح ە کە دەفەرموێت { } الفتح:٢ بۆ ئەوەی بە هۆی ئەو تێکۆشانەتەوە لە پێناو بڵاو کردنەوەی ئاینی ئیسلامدا ، خوا لە گوناهی لەمەو پێش و لەمەو پاشت خۆش بێت .
مەبەست لە گومانی پێغەمبەران ئەو جۆرەی هەڵەو تاوان نییە کە لە نێوان خەڵکیدا باو و زانراوە چونکە سونەەتی خودا لەوەدا بریتیە لە پاراستنی پێغەمبەرانی لە گوناه و تاوان بەڵگەش :
یەکەم : خوای پەروەردگار لە گوناهی بەهۆی لەبیر چونەوە لە ئومەتی ئیسلام خۆش بووە ، هەروەک لە فەرمودەیەکی پیرۆزدا هاتووە : خوای پەروەردگار هەڵە و لەبیر چونەوە و ئەوەی بە زۆرە ملێ پێیان دەکرێ لەسەر ئومەتی منی هەڵگرتووە و لێیان خۆش بووە .
لە کاتێکدا پێغەمبەری خوا ﷺ ئەو مافانەی پێنەدراوە هەروەک چۆن ئادەمیش علیە سلام پێی نەدراوە ، خوای پەروەردگار دەفەرموێت : طە ١١٥ . واتە ؛ بەڕاستی لەمەو پێش ئامۆژگاری ئادەممان کرد توخنی درەختی گەنم نەکەوێ ، کەچی ئامۆژگارییەکەمانی لەبیر چوو ئەومان بە خاوەن عەزم و توانا نەدی ئەو ئامۆژگارییەمانی پێڕابگیرێ .
لەمەوەبۆمان دەردەکەوێ کە لەبیر چون بۆ پێغەمبەران بە تاوان دادەنرێ و وەکو ئێمە نین ، ئیتر لەو ڕوەوە کە دەڵێن لێخۆشبونی خوای پەروەردگار بۆ پێغەمبەری خودا ﷺ لەو ڕوەوە بووە ، ئەویش مرۆڤێکە بەهەڵەدا دەچێت و لەبیری دەچێتەوە ، بەڵام ئەمە لە کاری بانگەوازی خودایدا نابێت و هەرگیز لەو بارەیەوە هیچی بیرنەچۆتەوە .
دووەم: پێغەمبەران سەڕەرای ئەوەی پارێزراوبون لە تاوان بەلام سەرەڕای ئەوەش داوای لێخۆش بونیان لە پەروەدگار کردووە ، ئەوەتا نوح علیە سلام فەرموویەتی { قَالَ رَبِّ إِنِّي أَعُوذُ بِكَ أَنْ أَسْأَلَكَ مَا لَيْسَ لِي بِهِ عِلْمٌ وَإِلاَّ تَغْفِرْ لِي وَتَرْحَمْنِي أَكُن مِّنَ الْخَاسِرِينَ } هود ٤٧ واتە : خودایە پەنا ئەگرم بە تۆ لەوەی داوای شتی وەهات لێبکەم ، کە نایزانم و لەنهێنیەکەی تێنەگەشتوم ئەگەر تۆ گوناهم نەپۆشی و رەحمم پێنەکەی لەدەستەی دۆڕاوان ئەبم .
هەرچی ئیبراهیمە علیە سلام فەرموویەتی { وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّين} الشعراء ٨٢ . واتە : ئەو خودایەیشە ، کە هیوام وایە لە ڕۆژی قیامەتدا تاوانم ببەخشی و لێم خۆش بێ.
ئەوەتا موساش علییە سلام دەفەرموێت { قَالَ رَبِّ اغْفِرْ لِي وَلأَخِي وَأَدْخِلْنَا فِي رَحْمَتِكَ وَأَنتَ أَرْحَمُ الرَّاحِمِينَ } الاعراف : ١٥١ . واتە جا موسا وتی : خودایە لە گوناهی من و هاڕونی برام ببورە و چاو پۆشیمان لێبکە بمانخە ناو ڕەحمەت و بەزەی خۆتەوە تۆ لە هەموو میهرەبانی میهرەبانتری .
سێیەم : لێخۆش بونی پەروەردەگار لە پێغەمبەران و داواکردنی لێخۆش بوون ، نیشانەیەکە بۆ دەسەڵاتی پەروەردگار لە گەردوندا ، چونکە هەڵبژاردنی ئەوان لە لایەن خوداوە نەبۆتە نەبووەتە هۆی ئەوەی ئەوان لە ئاگادار بوون و داواکردنی لێخۆش بوون بوەستن .
ئا ئەوەتا پێغەمبەری خوا ﷺ لا کاتێکدا خودا لە تاوانی پێشو و دوای خۆش بووە کەچی فەرموویەتی سوێند بەخوا ڕۆژانە حەفتا جار داوای لێخۆش بوون لە پەروەردگار ئەکەم .
چوارەم : خوای پەروەردگار شایەنی ئەوەیە زیاتر لەوەی پێویستی کردووە بپەرسترێت ، ئەگەر تەنیا ئەوەی فەرزی کردووە ئەنجامی بەین وەک ئەوەیە کە بەتەواوی سپاس گوزاری ئەومان ئەنجام نەگەیاندبێت .
پێنجەم : هیچ کەسێک نییە پێویستی بە تەوبە کردن نەبێت هەموو موسوڵمانان تەنانەت پێغەمبەریش پێویستی بە تەوبە کردن هەیە .
هەممو کەسێ کە پێگەیەکی هەبێت ، دەکرێ کەموو کورییەکی هەبێت ئەمەش بە تەوبە کردن پڕ دەکرێتەوە ، ئەگەر بۆ کەسانی ئاسای ئاوا بێت ئەدی دەکرێ بۆ پێگەی پێغەمبەر و نێردراوانی خودا چۆن بێت ؟!
شەشەم : پێغەمبەری خودا ﷺ هەندێ جار کارە لە پێشترەکەی ئەنجام نەداوە { عَفَا اللَّهُ عَنْكَ لِمَ أَذِنْتَ لَهُمْ} التوبە ٤٣. واتە خودا عەفووتکا بۆچی ئیزنت دان لە شوێنی خۆیاندا بمێننەوە ! بەمەش نەکردنی باشتر و لەپێشتر بۆ پێغەمبەران وەکو گوناهێکی لێهاتووە .
حەوتەم : خودای پەروەردگار دەفەرموێت { إِذَا جَاءَ نَصْرُ اللَّهِ وَالْفَتْحُ(۱) وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا(۲) فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا(۳)
} النصر ١_٣ . واتە : کاتێ کە یارمەتی خودای هات و مەککە ڕزگار کرا خەڵکی جەزیرەی عەرەبت دی پۆل پۆل دێنە ڕێزی ئاینی خوداوە سبحان اللە بکە بۆ خوای خۆت و لەگەردی هەمو ناتەواویەکی بە خاوێن رابگرە و سەنا و ستایشی بکە و داوای لێخۆش بوونی لێبکە بەڕاستی ئەو تۆبە وەرگرە لەهەرکەسێ داوای لێخۆش بوونی لێبکات .
هەشتەم مەبەستی ئایەتەکە ئاراستە کردنە بۆ کاری باش و خۆ پاراستن لە کاری خراپ ، لەمەشدا داوای لێخۆش بوون بۆ لێ خۆش بونە و لێخۆش بونیش داپۆشینی کارێکی ناڕەوایە ، جا هەرکەسێ لاتاوان پارێزرا ئەوا ئارەزووە خراپەکانی فڕێ دەدرێن .
نۆیەم : چاکەی مرۆڤە پاکەکان تاوانی مرۆڤە هەڵبژێراوەکانی خوایە – ئەوەیە بەندەی ئاسای تەنیا فەرزەکان ئەنجام ئەدات ئەوەنە بەسە تاببێتە بەندەیەکی پاک ، بەڵام لە بەرامبەر مرۆڤە نزیک و هەڵبژێراوەکانی خودا کە فەرز و سونەتەکان ئەنجام ئەدەن ئەوا وەک ئەوەیە تاوانبار بین .

محمد لە دیدی بیانیەکاندا
ن: یامن الحاجە
و: مزفر عەولا قەسرێی
لا: ۸۲-۸۷

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه