بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
ژیانی پێغەمبەر (صلی الله علیه وسلم)
 شەڕی فوجار
06/09/2019
بینین: 623
ئیبنو هیشام رحمە اللە دەفەرموێت:(کاتێ پێغەمبەرﷺ تەمەنی لە چواردە یان پانزە ساڵیدا بوو شەڕی فوجار لەنێوان قوڕەیش و کینانەی هاوپەیمانی لەلایەک وقەیسی کوڕی عەیلان لەلایەکی ترەوە ڕوویدا وە ئەوەی هەڵی گیرساند  (عەروەی ڕەحاڵ)بوو کاتێ وشترێکی باربەری نوعمانی کوڕی مونذیری گرتبووە خۆ و داڵدەی دابوو،بەڕاسی کوڕی قەیس وتی:تۆ دەتوانیت بەهەمان شێوە وشترێکی کاروانبەری کینانەی قوڕەیشی بەو شێوەیە داڵدە و پەنا بدەیت؟ وتی:بەڵێ سوێند بە خوا هەمان شێوەشم لە دەست دێت، پاشان بەڕاس ڕقی ئەمەی لێ هەڵگرت و چوو بە دوایدا و پەلاماریدا و کوشتی ، (لەمانگە حەرام کراوەکاندا ئەمە ڕویدا)بۆیە ناوبرا بە جەنگی (فوجار)،لێرەدا ئاماژە بەشەڕی فوجاری یەکەم دەکات.
وەسەبارەت بەجەنگی فوجاری دووەم ئیبنوئیسحاق رحمە اللە دەفەرموێت:((جەنگی فوجار بەرپا بوو کاتێ پێغەمبەرﷺ تەمەنی بیست ساڵ بوو(واتە:پێنج  ساڵ دوای جەنگی فوجاری یەکەم )،بۆیە ناوبراوە بە(جەنگی فوجار) چونکە هەردوولا کینانە و قوڕەیش لەلایەک و قەیسی کوڕی عەیلان لەلایەک هەرچی  سەروەری و شکۆمەندی شاری مەککە کە بەهۆی کەعبەوە هەیبوو، پێشێلیان کرد، سەرۆکی قورەیش لەو کاتەدا حەربی کوڕی ئومەیە بوو، بەیانی تا نیوەڕۆ قەیسی کوڕی عەیلان سەرکەوتنی بەدەست هێنا بەسەر قوڕەیشدا و لە نیوەڕۆ بە دواوە قوڕەیش سەرکەوتنی بەدەست هێنا دژ بە قەیسی کوڕی عەیلان.
   
ـــــــــــــــــــــــــــــــــــــــــــــــــــــــــــــــــــــــ
ژیانی پێغەمبەری خوا ﷺ لە قورئان و فەرموودەکاندا
نوسینی:محمد ملا فائق شارەزوری
بەرگی یەکەم
ص:۳۲-۳۳

زیاتر

12
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه